ბრენდების კომუნიკაციის, კონკურენტებთან ბრძოლისა და მომხმარებლებთან ურთიერთობის მართვას და სტრატეგირებას უკვე 10 წელზე მეტია ვემსახურები. ბედნიერი ვარ, რომ უკვე 50-ზე მეტ ბრენდსა და ორგანიზაციას დავეხმარე საკუთარი სათქმელის პოვნაში, თანამშრომლებთან და მომხმარებლებთან ურთიერთობის გამართვაში. საკონსულტაციო საქმიანობაში დამკვეთის მხარეს მუშაობის გამოცდილება განსაკუთრებულად მეხმარება. Shell-ის საცხებ-საპოხი მასალების გლობალურ მარკეტინგში მუშაობამ, საერთაშორისო პრაქტიკებს მაზიარა და მარკეტინგისა და ბრენდის მართვის გლობალური სამყაროს ხედვისთვის განსაკუთრებული საფუძველი მომცა. 2011 წელს კავკასიის ბიზნეს სკოლის მარკეტინგის ფაკულტეტის დასრულების შემდეგ, ცოდნას მუდმივად საერთაშორისო გამოცდილებებით ვივსებ. ვარ LEVEL C-ის მიერ სერტიფიცირებული ბრენდ სტრატეგი და ძირითად საქმიანობასთან ერთად სტრატეგიულ ბრენდინგზე გამოცდილებას სტუდენტებსაც ვუზიარებ, სხვადასხვა უნივერსიტეტებსა თუ ტრენინგ ცენტრებში.